تحت رحمة من نحن افراد حرس الحدود

بسم الله الرحمن الرحيم
السلام عليكم ورحمة الله وبركااته وبعد
ا الحقيقه يا اخوان الرساله هذي للي عندهم ضمير ويخافون الله سبحانه وتعالى
يا ضباط يا افراد يا مكاتب سريه الكلام هذا موجه لكم لكي توصلونه للي احنا مانقدر نوصلهم الا بشق الانفس
احنا والله العظيم في ذمة كل مسؤل وكل ضابط وكل فرد له يد في توصيل هذا الكلام يا عالم ارحمونا
حسوا فينا ناس تداوم في الربع الخالي سيارات ماهي مكيفه سيارات تعبانه صيانه تعبانه اجهزة ارسال تعبانه
تنظيم تعبان وزي الزفت عيالنا نغيب عنهم شهرين ولاندري هم كيف عايشين وراهم مدارس مستشفيات مواعيد والناس ماهم سوا في ظروفهم شهرين يا عالم وربي ولدي يشرد مني ولا يعرفني قسم بالله
يتخبى ورى امه شوفولنا حل وانت ياللي جالس تحت المكيف تعال عندنا لو اسبوع اذا ما فصلت والا ماني رجال ياخي زودو ا رواتبنا علموا ضباطنا كيف يتعاملوا مع العسكر في المناطق النائيه ونبغا ضباط كبار
مو وراعين الله يكرمكم عشان بسطار ناس بعد استلام اكثر من 60 يوم وخلاص ودك تروح لاهلك وتشوف عيالك يجيك ضابط توه متخرج مايدري كيف يفرض نفسه يجي الله يكرمكم يطالع في رجولك عشان بسطارك
واذا مالقاه تأخير اسبوع ولا اسبوعيين يا علم رواتبنا ماتكفي ولاهي حق عملنا اللي نقوم فيه فيه غيرنا
ع المكيف ويستلم مثلنا وزياده والله ودي اكمل بس ماعندي وقت ونشوفكم على خير على فكره نبي طيارات اخلاء طبي عشان الحوادث اللي مات واللي الله يرحمهم

السلام عليكم
يقول المثل (اللي يشوف مصيبة غيره تهون عليه مصيبته)

صدقت في كلامك وانا كنت مثلك واحس باللي تحسون بيه غربه ما تدري بللي يصير لاهلك وعيالك تحس انك عايش خارج الدنيا وبهذله لازم يطورون عمل حرس الحدود مثل باقي القطاعات الامنية

حسبي الله ونعم الوكيل
ولا حول ولا قوة الا بالله

انت في اقصى الجنوب ونحن هنا في أقصى الشمال والحال واحد

ما اقول الا: ( من يتق الله يجعل له مخرجا,ويرزقه من حيث لا يحتسب )


لين متى والحال زي الحال كان عسكري حرس الحدود مو مثل بقية خلق الله ,الله يحاسب كل ظالم,وكل ساكت عن الظلم0